- 735 -

1448. Mai 27.

Vnsern fruntlichen dinst zuuor. Erbern, weysen, guten gonner, liebin frunde, so ir vns geschrebin habet vnde auch vormols also von fehde herczoge Wlodken, do mete ir von genotiget werdet ane schulde, begernde euch behulffen zu seyn noch innehalde vnsers bundes etc. thu wir ewer erbarkeyt wissen noch deme so wir auch vormols geschrebin haben, das wir vns mit vnserm reysigen geczuge ye zedir (?) ewer irsten schreybunge in bereytschaft gehaldin haben behorende vmbe vnsere vmblegende nogkewer mete in dem bunde stehende, mit den wir ane alles sewmen noch vnserm mogen euch getrewlich zu helffen vnde zu roten, also das wol mogelich ist noch des bundes innehaldunge ye bereyt seyn gewest, hynder en nicht hinderstellig zu bleyben vnd an vns keyns gute gen ewer erbarkeyt nicht gebrechen sal. Gegeben am montage noch Vrbani anno XLVIII°.
Rathmanne der stad Stregen.

Mit Rückaufschrift an den liegnitzer Rath.

Orig. Kgl Bibl z. Berl Ms. Boruss. f. 568. No. 185.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866